人生總會經歷過一個階段，就係萌生出依個想法：「打工仔邊會有出頭天架...腦細咁蠢，啲野我都識做啦...不如自己搞吓生意好過幫人打工啦！」但到你真實由頭到尾落手落腳做，是否咁簡單？
如果你係創業初哥，在你未踏出創業第一步前，最基本你要完成以下的自我檢查清單：
你想做一盤甚麼生意？
心目中的發展方向？
你熟悉這盤生意的行頭嗎？
你有沒有相關的知識去配合業務發展？
你覺得誰是你的目標客戶？
你有能力去接觸目標客戶嗎？
目標客戶為甚麼會信任你？
你可以提供甚麼獨特價值？
除了獨特價值，你在基本產品/服務上有甚麼附加價值？
你了解營運公司的基本知識嗎？
當你輕鬆完成了以上的自我檢查清單，證明左你對於你做緊既行業有一定程度既認識，可能你揸住腦細成盤生意既數，又可能你係盤生意既真正大腦，咁你的確有資格去踏出創業既第一步。
如果你只係萌生咗「打工仔邊會有出頭天架，不如自己試吓搞生意啦！」，但你對於要做一盤甚麼樣的生意也毫無頭緒，最簡單可以嘗試就係從平時做開嘅行業著手。例如試吓問吓自己，你平時返工有冇察覺呢間公司有啲咩做得唔好？ 你對呢個行業有冇好大嘅興趣？如果你有好大興趣，咁你不妨從呢個行業開始著手，記住一句金句「做生不如做熟，猛虎都不及地頭蟲」！
如果你唔肯定或者無興趣，咁你都唔好隨隨便便就搵啲嘢嚟搞。因為當一個初出茅廬嘅創業家萌生咗創業呢個念頭，你嘅生意觸覺係會非常敏感。可能你平時無察覺到香港人有一個優勢，就是資訊極度發達。當你擁有資訊以及非常敏感嘅生意觸覺，要搵出你想經營嘅生意，其實唔難。到你諗到一盤你有興趣嘅生意， 不妨返嚟完成以上的自我檢查清單。